ມີສະຕິລະມັດລະວັງ ຕໍ່ສະພາບຝົນຕົກໜັກ

ກົມອຸຕຸນິຍົມ ແລະ ອຸທົກກະສາດ ເຕືອນແຂວງພາກເໜືອ ແລະ ພາກກາງ ໃຫ້ມີສະຕິລະມັດລະວັງ ຕໍ່ສະພາບຝົນຕົກໜັກ

ຂປລ. ໄລຍະວັນສອງວັນມານີ້, ຢູ່ນະຄອນຫລວງວຽງຈັນ ກໍຄື ບາງແຂວງໃນຂອບເຂດທົ່ວປະເທດ ມີສະພາບຝົນຕົກແຮງ ຫາລະດັບປານກາງ, ພ້ອມທັງມີລົມພັດແຮງເປັນບາງໂອກາດ, ເສັ້ນທາງບາງຈຸດນໍ້າລະບາຍບໍ່ທັນ, ແມ່ນໍ້າບາງສາຍກໍຍຶ່ງຂຶ້ນ ໂດຍສະເພາະແມ່ນໍ້າຊອງ.

ໃນວັນທີ 20 ກຸມພາ 2022 ນີ້, ກົມອຸຕຸນິຍົມ ແລະ ອຸທົກກະສາດ ກໍໄດ້ອອກແຈ້ງເຕືອນຝົນຕົກໜັກ ເວລາ 7:00 ໂມງຄວາມກົດດັນອາກາດສູງຂອງອາກາດເຢັນຈະເພີ່ມກໍາລັງແຮງຂຶ້ນ ແພ່ລົງມາປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ

ສົມທົບກັບກະແສລົມຕາເວັນອອກປົກຄຸມພາກເໜືອ ແລະ ຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້, ເຊິ່ງຈະເຮັດ ໃຫ້ອາກາດເຢັນໃນຕອນເຊົ້າ ແລະ ຍັງມີຝົນຕົກໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ ບາງທ້ອງຖິ່ນ ຢູ່ແຂວງພາກເໜືອ ແລະ ພາກກາງ.

ດັ່ງນັ້ນຈຶ່ງແຈ້ງເຕືອນ ເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ທີ່ອາໃສຢູ່ແຂວງພາກເໜືອ ແລະ ພາກກາງ

ໃຫ້ມີສະຕິລະມັດລະວັງ ຕໍ່ສະພາບຝົນຕົກໜັກ, ຟ້າຮ້ອງ, ຟ້າເຫລື້ອມ ດິນເຈື່ອນ ແລະ ລົມພັດ ແຮງທີ່ອາດຈະເຮັດໃຫ້ຕົ້ນໄມ້, ເສົາໄຟຟ້າ ແລະ ປ້າຍໂຄສະນາຫັກລົ້ມ, ຫລັງຄາເຮືອນເປ່ເພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

Related Articles

Leave a Reply

Your email address will not be published.

Back to top button